Voglie ...Voglie ...stramaledette voglie.......

Teresa de Sio "voglia 'e turna' "





Voglia 'e turnà

e voglia 'e verè

comme 'o tiempo po' arrubbà

tutte e culure int'a via.

E giro p'a città

e vago a cercà

uocchie comme aulive nere

che guardano senza parlà.

Terra che nun vò durmì

e nun vò cagnare,

terra addò abbruciano 'e parole,

viento che nun e po' stutà.

Voglia 'e turnà

dint'e vicoli e sta città,

guarda e ride e te vò tuccà,

nun se ferma mai,

voglia 'e verè

notte e juorno te fa cantà,

chest'è Napule do cafè,

nun te può sbaglià.

E che sarà

che nun vò fernì,

comme a na malincunia

a voce me fa tremmà.

Forte se fa sentì

e doce accussì

pe chi vene e vò truvà

na scusa pecchè vò restà,

e mo chi o ssape cumm'è

ma io nun me scordo mai

sole che abbrucia 'o malamente,

acqua che scende pè lavà.

Voglia 'e turnà

dint'e vicoli e sta città,

guarda e ride e te vò tuccà

nun se ferma mai,

voglia 'e verè

notte e juorno te fa cantà

chest'è Napule do cafè

nun te può sbaglià.

Teresa De Sio live "AMEN"

Jesce sole
Trase trase dint’e case
Cagna ll’anema d’e cose
E ogni capa dice Amèn
Jesce sole
Saglie saglie ‘ncopp’ e muri
E s’abbruciano ‘e pensiere
E a paura dice AmèN
Ammore mio nun chiagnere
Ca ‘e llacreme nun so denari
E llacreme nun s’accattano
E chiste so tiempe amare
Oi Madonna d’o Carmine
Asciuttame sti lenzòla
Ca mo so passate mill’anne
E ancora d’o sanghe se vede ‘o culore
Jesce sole

Jesce sole
Trase trase dint’e case
Cagna ll’anema d’e cose
E ogni capa dice Amèn
Jesce sole
Saglie saglie ‘ncopp’ e muri
E s’abbruciano ‘e pensiere
E a paura dice Amèn

Oi pataterno d’o Vommero
Scinne a Sicondigliano
Ca ‘o mare nun bagna cchiù Napule
Si tu te ne lavi ‘e mmane,
Oi mamma mia santissima
Stammo cu ll’uocchi a fora
Canzoni nun ne tenimmo cchiù
Cantasse chi nun tene core

S’accidono ll’uno cu ll’ato
Dicette a signora “nui avimma campà
Saccidono l’uno cu ll’ato
Ma a nuie che ce ‘mporta, tenimmo a che fa”
S’accidono ‘o figlio c’o padre
E nui c’o sapimmo restammo a guardà
S’accidono frate cu frate
Cainate, pariente e figli e mammà
S’accidono frate cu frate
Cainate, pariente e figli e mammà
Se magnano ll’uno cu ll’ate

So cani ‘e canciello ll’avimma fermà
Ma ll’ossa a magnà so fernute
So pali, paranze, guagliune d’e clan

Jesce sole
Oi Madonna d’a munnezza
Scinne tu a lavà sta chiazza
Manco ll’aria fa chiarezza
Pe sti pisce dint’a rezza
Jesce sole
Oi Madonna d’e galline
Scinne a fa schiarà matina
Pe chi nunn’è n’assassino
Oi Marò nun dice Amèn
Oi Marò nun dice Amèn.